黛安
黛安

德福、青衣城辦年貨大街 一站式買年花年貨品嘗小吃

發佈時間: 2021/01/22

德福、青衣城辦年貨大街 一站式買年花年貨品嘗小吃

大家辦咗年貨未?黛安又有好介紹,德福廣場同青衣城由即日起至2月28日,將攜手推出「新春年貨大街」,滙聚賀年花藝擺設、賀年食品、海外地道美食、卡通主題禮品攤位等,就算一家大細去行街都可以盡興!

今年花藝攤檔有年花、情人節花同養生花等展銷,揀完花之後,仲可以順手揀埋角落生物、蠟筆小新等卡通賀年精品㖭!如果行到肚仔餓,場內又有貓山王同OREO、阿華田口味糯米糍、台灣馳名阿中丸子嘅黃金蝦餅等。

此外,即日起至2月28日,德福廣場、青衣城及PopCorn,更設有新春消費獎賞推廣活動「佳節有禮‧賞貳佰」,喺指定類別商舖以電子貨幣消費滿$2,200,即送合共$200港鐵商場現金禮券㗎。

撰文: 黛安 消息特靈八卦公關
欄名: 八卦名利場