海港城、D‧PARK愉景新城、東薈城名店倉 購物換領別致利市封

最近各大商場都推出設計特別嘅靚靚利市封，只要消費滿指定金額就可以換到。例如海港城嘅利市封就以「鯉躍飛揚豐足常喜」為主題，一套5款嘅「五彩錦鯉」立體利市封，每條錦鯉上都印上金錢、煙花、風車及如意結等吉祥圖案，祝福大家來年鯉躍龍門、神采飛揚。

今年適逢牛年，D‧PARK愉景新城就推出「牛語迎樂」嘅賀年利市封，牛奶盒造型包裝，裝住以「金牛」為主題嘅利市封。每款利市封刻有應節燙金乳牛紋設計，同時大玩「刮刮樂」互動元素，小朋友收到後可刮出隱藏嘅祝福語或新春消費禮遇QR Code，賺完利市錢又可以賺消費優惠，好有心思呀。

至於東薈城名店倉就有限量版M&M's®80周年紀念利市封套裝，以4位M&M's®主角造型設計，並以環保紙張及可分解塑膠材料製成，實用又環保。