去KFC歎草莓葡撻和迷你鬆餅 陪你甜蜜過節

農曆新年、情人節陸續到來，一定要試下KFC兩款新甜品，包括朱古力草莓葡撻及玫瑰荔枝草莓迷你鬆餅，可以同情人甜甜蜜蜜度佳節！兩款甜品單價同樣係$12，套餐以$10加配即有得歎。其中朱古力草莓葡撻由即日起率先推出，蛋香濃郁的葡撻中加咗流心朱古力，撻面再鋪上草莓乾果粒，搭配酥脆香口撻皮，交織出甜蜜幸福感。

玫瑰荔枝草莓迷你鬆餅就下月4日壓軸登場，迷你版鬆餅，淋上一層玫瑰荔枝糖漿後再灑上草莓乾果粒，每份4件，細細件，最適合同情人你一啖我一啖咁享受！