【聲明】港生活網站並無進行電話推廣活動

黛安
黛安

北角匯撑戲院復業 消費即送戲飛

發佈時間: 2021/02/17

北角匯撑戲院復業 消費即送戲飛

黛安本身係電影迷,疫情下戲院停業,「戲癮」起都無辦法,好在年初七(18日)起戲院終於可以有條件重開,聽公關姊妹講,北角匯仲聯同商場內嘅戲院ACX Cinemas、一眾商戶及鄰近酒店推出大型「睇戲‧消費」優惠㖭。

姊妹話,今個月18日至19日,The Point會員可憑1,000積分加1元,透過手機平台換購正價戲票1張,每天名額250個、先換先得;會員亦可喺指定商戶,以電子貨幣單一或組合兩間商戶即日消費滿500元或以上,可獲指定電影換票證2張;而3月1日至8月31日,持指定商戶即日100元或以上發票買戲票亦可減10元。

睇戲當然要歎埋下午茶,明日(18日)起至8月31日,出示即日戲票存根,就可喺指定商戶享美食或購物優惠。此外,商場相連嘅維港凱悅尚萃酒店房客只要出示房卡及換領信,亦可獲指定電影換票證2張,換完即止㗎,有興趣嘅朋友記得留意喇。

撰文: 黛安 消息特靈八卦公關
欄名: 八卦名利場