【聲明】港生活網站並無進行電話推廣活動

郭曉陽
郭曉陽

為子女儲錢 宜選純債券基金

發佈時間: 2021/02/18

為子女儲錢 宜選純債券基金

新一年先祝各位讀者牛市大吉,馬到功成!曉陽在新年放假期間都是離不開到親朋好友家中拜年,拜年不外乎傾工作經、理財經及親子經。不少朋友初為父母,家中小朋友今年陸續收到利市,大部分朋友都表示會幫小朋友儲起利市錢,等日後小朋友長大後使用,又或者成為教育基金。

不過,現實一點看,利市錢再多,都只是小數額,儲多幾年都未必做到教育基金。所以,如果有心幫小朋友儲錢的話,與其開一個小童儲蓄戶口,或者純粹將錢儲蓄起來,倒不如用多少少本金,幫小朋友買一個會派息的債券基金。

近年由於息口偏低,為了吸引投資者,有基金增加一個「分派」或「派息」類別,衍生出「派息基金」這種理財生息工具。而現時市場上的派息基金,息率一般都介乎4厘至8厘。但正如曉陽以前講過,回報和風險永遠並存,想要高回報,自然要承受高風險,因此,如果目的是要幫小朋友在剛出生開始提供一個長遠穩定的投資儲蓄選項,最好是選擇既有息派、但又不至於風險太高的類型。所以,純債券基金是會比較適合作為小朋友的儲蓄投資,而股票債券混合型的基金則不太適合,畢竟有股票在內的組合,風險必定增加。

為人家長,如果想為小朋友未來籌謀的話,就要做好長遠準備,不妨留意一下債券基金。

(本欄逢周四刊登)

撰文: 郭曉陽 追求財務自由,分享理財經驗,揀選優質增長股,目標每年回報15-25%。
欄名: 晴報第一倉