【聲明】港生活網站並無進行電話推廣活動

黛安
黛安

新地12商場晚市「6點後加碼賞」 購物消費着數多

發佈時間: 2021/02/19

新地12商場晚市「6點後加碼賞」 購物消費着數多

隨住限聚令放寬,食肆恢復晚市堂食,黛安都要出街唞唞氣,約班好姊妹聚下。新地商場睇準呢個「報復式消費」時機,喺旗下12大商場推出晚上「6點後加碼賞」,唔單止可以憑消費換商場贈券、現金券,仲有倍數積分、免費泊車等多重優惠,以滿足大眾嘅購物慾。

公關姊妹話,今次推出優惠嘅商場,包括東港城、北角匯、上水廣場、Mikiki、將軍澳中心、PopWalk天晉滙、卓爾廣場、錦薈坊、life@KCC、荃錦中心、荃灣新領域廣場,同埋屯門寶怡商場。每個商場嘅優惠都唔同,唔止晚上6點後有「加碼優惠」,其實朝早去行街都有好多着數,好似喺PopWalk天晉滙堂食消費滿$400,再用電子貨幣埋單,即送$100美食贈券1張,6點後再食仲有額外5倍積分㖭。

新地(銷售及租賃)代理有限公司董事鍾秀蓮同黛安分享,佢話限聚令放寬,令商場同商戶都可以把握新春晚市機會,所以特別推出多重優惠,希望吸引顧客消費,期望令12個商場嘅人流可以按月升10%至15%,令營業額按月升8%至10%。大家記得把握機會去各大商場消費,攞盡啲優惠喇!

新地12商場晚市「6點後加碼賞」 購物消費着數多

會員凡於將軍澳中心所有娛樂商戶消費可享6x積分賞。

新地12商場晚市「6點後加碼賞」 購物消費着數多

北角匯今日起至3月14日,推晚上6時後以電子消費$300送$300現金劵。

撰文: 黛安 消息特靈八卦公關
欄名: 八卦名利場