食米綫「線有善報」 你食一碗譚仔三哥就捐一碗

食米綫原來可以行善，公關姊妹同黛安報料，譚仔三哥米綫為咗感激一直以嚟得到咁多香港人支持，亦想喺疫情下回饋社會，決定下星期一（22日）舉辦「線有善報」慈善捐贈活動，顧客喺任何1間分店惠顧1碗米綫，譚仔三哥就會捐出1碗米綫畀聖雅各福群會FOOD-CO，希望幫到低收入人士醫肚。

公關姊妹仲話，今次佢哋目標係最少捐出6萬碗米綫畀基層人士，同時向顧客送上「善報心意卡」同口罩，憑卡喺3月內再幫襯，並點餐叫2餸以上米綫，即可送多1款餸，令福報一直可以延綿不斷。譚仔三哥仲計劃喺3月8日安排將其中1間分店「包場」，用嚟招待FOOD-CO嘅受惠人士免費食米綫㖭，真係好有心啊。