Sanrio推60款經典角色可重用口罩 時尚實用

而家口罩除咗用嚟防疫，更已變成時尚嘅一部分。黛安收到風，今年迎接60周年嘅Sanrio，同新成立嘅創意時尚品牌GOOOODS聯乘，推出以60位Sanrio經典角色為設計主題嘅可重用抑菌口罩，既時尚又實用！

公關姊妹話，今次60個口罩主角包括女生至愛嘅Hello Kitty、慢活梳乎蛋等。口罩具備4層保護功能，本體為3層銀離子聚酯纖維布料製造嘅立體剪裁口罩，可水洗重用，能有效抑菌、防水和防口臭，第4層就係可替換納米纖維立體濾芯，使用時間更長達48小時㗎。

想知道自己襯邊款口罩好睇啲？GOOOODS就開設咗360度全景虛擬網上商店，等大家可以逐款試下再訂購。即日起已經開始預售喇，每個售$129。