九龍樂善堂義賣手工糖果 甜心行動為兒童籌款

九龍樂善堂自1999年起，每年都會舉行「樂善『糖』甜心行動」，透過義賣慈善糖果為有特殊學習需要等兒童籌款。黛安知道，佢哋今年同本地人氣插畫家Dustykid和西班牙手工糖papabubble合作搞糖果義賣，即日起至3月21日，除咗會喺指定商場擺放「自助糖果義賣機」，仲會首次以網上形式義賣糖果㖭！

今年樂善堂會義賣3款產品，分別係$20嘅心意卡、$38嘅樂善「糖」同$75嘅「限量版慈善糖果套裝」，每盒糖有10至12粒印有唔同字樣和圖案嘅手工糖，每一粒都有特色；另外，亦有一張手工糖「買一送一」嘅優惠劵。今年佢哋會喺網頁同fb專頁公布12部自助義賣機嘅擺放地點，亦會喺Big Big Shop、hutchgo mall等網店搞網上義賣，黛安都要支持下先得。