【聲明】港生活網站並無進行電話推廣活動

黛安
黛安

赤柱廣場搞虛擬城市定向競賽 與愛犬齊做善事

發佈時間: 2021/03/03

赤柱廣場搞虛擬城市定向競賽 與愛犬齊做善事

好多養狗嘅朋友都鍾意帶埋毛孩周圍去玩,黛安收到風,膳動衡FOODSPORT同赤柱廣場一齊搞咗個「食物救援--城市定向挑戰賽」,可以同毛孩一齊玩之餘,仲可以一齊做善事。

因應疫情關係,今次競賽將以「虛擬定向」形式,喺3月29日至4月11日舉行。挑戰賽會以「星系」為主題,分個人、親子同毛孩組3個組別,參加者要用指定嘅手機應用程式,喺赤柱一帶搵出「能源方塊」去完成任務,幫手解決狗狗星系嘅缺糧問題。只要得到指定分數,就可以獲得獎牌。參加者喺挑戰賽消耗嘅卡路里,仲可以轉化為等量嘅食糧,為有需要嘅人士同流浪狗隻提供均衡食物㖭。

另外,赤柱廣場會喺4月3、4、10及11日舉辦狗狗海濱嘉年華,除咗有多個太空主題打卡位,仲有狗狗主題市集同工作坊,節目咁豐富,狗主同愛犬可以喺赤柱玩足一日。

赤柱廣場搞虛擬城市定向競賽 與愛犬齊做善事

狗狗海濱嘉年華活動豐富,可以帶埋毛孩一齊參加。

撰文: 黛安 消息特靈八卦公關
欄名: 八卦名利場