沈桃
沈桃

膠樽按樽制

發佈時間: 2021/03/15

膠樽按樽制

有一日同阿姨去咖啡店買咖啡,阿姨點了latte,佢自備私家杯,減一蚊;我點了杯cold brew,店員說交還玻璃樽時,可以有5蚊回贈!哈!好得意噃!

阿姨話同我真係有代溝,以前可樂、維他奶等飲品都是用玻璃樽裝,士多售賣這類飲品都有「按樽」,每枝飲品收多一毫子,飲完後交還個樽就可以取回。

經佢一提,我就記得以前婆婆講過,以前買嘢要按樽,所以不會將樽掉落垃圾桶,因為「每個樽都係錢嚟㗎」!

而家玻璃樽可樂、維他奶少見,此等飲品被鋁罐及塑膠容器取代,「按樽」、「回樽」已成為歷史。

不用「回樽」雖然方便,卻為環境帶來災害。2019年,香港棄置堆填區的塑膠飲品容器大約有15.5億個,即是每人平均每年棄置逾200個膠樽!真係好嚇人!

故此,政府考慮推行的「塑膠飲料容器生產者責任計劃」,建議部分出售膠樽裝飲品的店舖,應同時作為回收點;回收的膠樽應優先交予回收商循環再造;供應商提供回贈,鼓勵公眾「回樽」。

到時更可以拿着使用完的膠樽去入樽機回收,透過電子支付平台即時回贈。十分支持此計劃,舊的方法變成新的環保潮流,實行全民減廢!

(本欄逢周一刊登)

撰文: 沈桃 好飲好食好奇之穿花蝴蝶
欄名: 中環蝴蝶