利園區復活節暢玩兒童電動車 新港城中心購物換戲院現金券

復活節有幾日假，好多人都想出去放下電。黛安收到風，4月2日至11日利園區逢周六、日及公眾假期都會舉辦復活節歡樂派對，即日起以電子貨幣消費滿指定金額同集齊指定電子小豬印章，就可以參加活動。例如儲1個小豬印章就可帶3至8歲嘅小朋友，參加「Tesla兒童電動車駕駛體驗」、換領扭氣球等；儲夠6個可換迪士尼樂園指定周年鎖匙扣；儲夠8個仲可以換Tsum Tsum雨傘呀。公關姊妹已計劃帶仔仔去玩呢個兒童電動車，喺利園2期3樓嘅露天花園一嘗駕駛樂趣，完成體驗後仲可獲頒兒童電動車駕駛課程證書同小禮物做紀念㗎。

如果想同伴侶一齊慢活過復活節，可以考慮去馬鞍山睇電影。即日起至4月25日喺MOSTown新港城中心任何2間唔同商戶，以電子消費單日滿$400或以上，就可換領英皇戲院$100現金禮券1張，可入場睇近期人氣電影，例如冒險奇幻《魔龍王國》、巔峰對決《哥斯拉大戰金剛》等，H•COINS會員仲可額外獲贈價值$38嘅爆谷贈券1張㖭。