【聲明】港生活網站並無進行電話推廣活動

黛安
黛安

港迪士尼新CEO莫偉庭 深入前綫身體力行

發佈時間: 2021/04/09

港迪士尼新CEO莫偉庭 深入前綫身體力行

剛過去嘅復活節假期,香港迪士尼樂園人山人海,黛安知道啱啱上任4個月嘅香港迪士尼樂園度假區行政總裁莫偉庭(Michael)都落場幫手,親力親為,了解每一part嘅工作,認真抵讚!

Michael連日來身體力行,換上制服走上前綫幫忙,好似喺售票處和門外接待賓客、回答查詢、人流管理等,又喺香港迪士尼樂園酒店化身做酒店行李款待專員,仲喺酒店門外幫忙指揮交通、迎接賓客,更參加在職培訓,了解各部門嘅準備工作,亦都親身同前綫演藝人員一齊工作㖭。

負責指導Michael嘅酒店前堂賓客服務經理黃柏霖(Adrian)話,Michael非常積極又貼地,不斷用廣東話與同事和賓客溝通,好似迎接賓客時會講:「有咩幫到你?」有事要請教同事時仲會講:「唔好意思,阻阻你」、「唔該晒」等,非常親民。

另一位指導員行李部組長李諾夫(Andy)都話,Michael好有耐性同認真地學習每個工作步驟,例如點樣使用行李系統等,佢亦會主動問同事平日工作情況、有何困難等等。Andy記得搬運行李時,Michael仲會關心同事咁講︰「你哋每日搬咁多行李,真係辛苦你哋喇!」真係好窩心。

港迪士尼新CEO莫偉庭 深入前綫身體力行

Michael連日來到樂園前綫幫手,被同事形容工作積極又親民。

港迪士尼新CEO莫偉庭 深入前綫身體力行

Michael替賓客拍照。

撰文: 黛安 消息特靈八卦公關
欄名: 八卦名利場