旺角新口罩店 聯乘人氣卡通口罩最吸睛

疫情下口罩已變成生活必需品，而且成為潮流穿搭嘅一部分。黛安聽公關姊妹講，專賣口罩嘅本地初創「異度空間工作室」，早前喺旺角西洋菜南街開咗首間實體店，發售多款聯乘系列口罩，例如芬蘭名作《姆明》、韓國KAKAO FRIENDS、文青至愛嘅法國文學作品《小王子》、經典卡通Snoopy等。

咁多款口罩中，黛安最喜歡新登場嘅Woodstock立體口罩；另一款Snoopy隱藏版口罩，喺陽光照射下仲會透照出隱藏圖案。實體店內仲設置咗多個聯乘系列角色打卡位，同埋有一部紀念壓幣機，粉絲唔好錯過喇。