沈桃
沈桃

「城市景昔」AR時鐘

發佈時間: 2021/04/12

「城市景昔」AR時鐘

有日由半島酒店行去尖沙咀碼頭搭船,行經幾個街口都見到幾條五顏六色的柱,似路牌又似藝術品,莫非是某位藝術家創作的裝置藝術?

每條柱上都有一個紅白色的時鐘,上面寫着︰「城市景昔CITY IN TIME」和年份。我在鐘樓旁邊的那枝柱,依指示下載了「城市景昔」app,原來是一個AR(擴增實境)裝置。

用app掃描AR時鐘,手機的畫面突然變了360度全景圖像,顯示1937年的尖沙咀鐘樓面貌,旁邊還可以看到當年的巴士總站,有舊式單層巴士在路上穿梭、海上天星小輪行駛的聲音,有聲又有畫,正!

去完鐘樓,走到海傍那邊,又發現另一個AR時鐘。這個設置在海濱長廊觀景台的AR時鐘沒有採用柱身設計,而是放置在一條鐵杆上,外形獨特。用手機一掃,一片大海即呈現在眼前,對岸還可以看到仍然未有高樓大廈的中環。旁邊還可以看到1910年代興建的九廣鐵路火車總站,又會有火車在面前駛過,極之得意!

玩完尖沙咀6個「城市景昔」AR時鐘後,又可以去中環體驗另外7個AR時鐘。大家都快啲download嚟玩,睇睇香港嘅景「昔」啦!

(本欄逢周一刊登)

撰文: 沈桃 好飲好食好奇之穿花蝴蝶
欄名: 中環蝴蝶