領展「喜筷」飲食推廣 送$1400萬餐飲券及500份4人套餐

黛安收到風，領展即將推出「喜筷」餐飲推廣活動，向消費者送出總值超過$1,400萬嘅餐飲現金券，鼓勵大家幫襯領展旗下59個商場、66間中式酒樓，食得愈多現金券攞得愈多，佢哋仲會送出500份4人晚市套餐，大家快啲行動啦！

公關姊妹話，現金券會分階段送出，第一階段由今個星期四（22日）開始，只要喺指定商場消費滿$100，就可以換領$100餐飲現金券；星期六、日消費滿$500，更可換領$500餐飲現金券，適用於領展旗下商場21間中式酒樓，堂食和外賣都得，例如樂富廣場、黃大仙中心及T Town等。

另外，即日起至星期五（23日），只要登記做領展會員，同埋分享心目中嘅「喜筷」圖像，當中500幅最貼題嘅圖片，就有機會贏得4人晚市套餐，可以喺下星期四（29日）約埋親友一齊去所選嘅食肆免費享用套餐！詳情可【按此瀏覽】。