【聲明】港生活網站並無進行電話推廣活動

黛安
黛安

敏華冰廳山頂新店 限定菜式味蕾享受

發佈時間: 2021/04/21

敏華冰廳山頂新店 限定菜式味蕾享受

敏華冰廳向來主打懷舊港式美食,最近已開到第30間分店。黛安早前去過最新開張嘅山頂廣場分店,入門口即可見到一面霓虹燈牆同仿纜車造型嘅車卡,旁邊仲有香港特色嘅街道指示牌,更加有英式皇冠紅色郵筒,設計花咗唔少心思。

一場去到新店,當然要試試美食,首推山頂分店嘅限定菜式「火焰玫瑰鐵板叉燒」,梅頭豬肉脂肪均勻,配上蜜糖燒至香脆,上菜前仲有店員淋上玫瑰露酒再點火,火焰燃起陣陣酒香和焦香,可謂多重感官享受,仲可以拍片打卡㖭!如果係下午茶時間,可以試試「黑松露蛋白厚多士」,外脆內軟的厚多士,再配上軟綿蛋白和濃郁黑松露醬,一邊食一邊欣賞山頂迷人景致,夠晒寫意。

敏華冰廳山頂新店 限定菜式味蕾享受

「火焰玫瑰鐵板叉燒」係山頂分店限定菜式,值得一試!

撰文: 黛安 消息特靈八卦公關
欄名: 八卦名利場