荃灣海濱長廊開心村 癲噹阿讚任打卡

黛安日前同好姊妹茶敘，佢帶黛安去荃灣海濱長廊散步兼打卡，因為本地文創作家「貓室」，帶咗佢創作嘅卡通人物癲噹同阿讚貓，去海濱長廊建立咗一個「維港癲噹開心村」，畀大家同唔同造型嘅癲噹和阿讚一齊影相。

公關姊妹話，呢個開心村展覽係由「貓室」作者之一嘅John Chan炮製，成條村有11個check point，例如癲噹同阿讚嘅2米高立體頭像，會喺村口歡迎大家。之後可以同變身露營友嘅佢哋一齊曬日光浴，或者行去「愚人碼頭」同癲噹一齊釣魚，仲可以捕捉佢哋化身美人魚、農夫等身影，搞笑造型令人開懷大笑。開放日期由即日起至10月11日，免費入場，大家唔好錯過啊。