Delifrance尊貴2人茶餐 同媽咪歎貴婦式下午茶

母親節除咗出街食飯外，今年不如搞搞新意思。黛安知道Delifrance或alfafa推出咗尊貴2人外賣下午茶餐，$198就可以歎到酒店級嘅美食，同媽咪喺屋企來個貴婦下午茶也不錯啊！

今次嘅外賣下午茶餐，包裝精緻又充滿法式風情，美食包括鮮蝦番茄芝士三文治、迷你碎蛋撻、迷你煙三文魚牛角酥、迷你甜酥、迷你朱古力蛋糕、法國軟心冬甩、紐約芝士蛋糕等，連同有機茶茶包2包，每款都好吸引，令人食指大動。

Delifrance仲好細心，隨餐免費送上母親節禮物，包括2樽Bonne Maman士多啤梨果醬、2片HALOCK膜艷堂保濕鎖水面膜同埋GOOD MASK口罩。即日起至5月5日前就可以預訂喇！