【聲明】港生活網站並無進行電話推廣活動

黛安
黛安

中環街市活化項目 5月首推錯視遊樂牆

發佈時間: 2021/05/07

中環街市活化項目 5月首推錯視遊樂牆

周末又到,一家大細如何共度呢個母親節假期?黛安聽公關姊妹講,中環街市活化項目預計於今年第三季以「Playground for All」嘅概念亮相,項目首階段完工前,今個月會率先推出部分項目。

第一個係「錯視遊樂牆」,喺中環街市2樓連接中半山24小時行人通道,設計師利用街市、立體錯視藝術同卡通漫畫元素,設計咗3種互動插畫,啱晒大家到場打卡。

另外,第29屆「法國五月」藝術節亦喺中環街市揭開序幕,即日起至5月9日,有居港法國壁畫家同視覺藝術家喺街市皇后大道入口,繪製壁畫,包括4張不同笑臉,作品將會展覽至8月。嚟緊仲有一系列表演,包括色士風四重奏、踢躂舞以及爵士樂無伴奏合唱。

中環街市今個月亦會舉辦「相『昔』中環」活動,聯同「香港遺美」專頁,收集舊中環街市嘅照片,並於中環街市內展示,詳情將於中環街市fb或ig公布,有興趣朋友記得留意喇。

撰文: 黛安 消息特靈八卦公關
欄名: 八卦名利場