嘉禾銀河廣場戲院 開幕優惠票價$45

炎炎夏日最啱入戲院睇戲兼歎冷氣。黛安收到風，位於港島東筲箕灣銀河廣場嘅嘉禾戲院已開幕，即日起至6月底仲會推出優惠，成人票價只需$45，全日制學生及長者票價更低至$40及$25㖭。咁抵，一定要睇多幾次！

呢間戲院設有2個影廳，每個影廳各有87個座位，開幕選映嘅電影不乏大作，例如《F9狂野時速》、《感動她77次》，以及港島區獨家上映嘅日本動畫《鳴鳥不飛》。接力上映嘅有迪士尼《黑白魔后》，同埋港產片《遺愛》及《手捲煙》。

由即日起，親身到嘉禾銀河廣場睇戲，登記做埋會員仲可享迎新禮品，包括電影禮券1張及$20購票優惠券2張，名額得1,000個，大家記得趁早登記做會員喇！