The BTS Meal登陸香港麥當勞 齊嘗人氣天團最愛配搭

麥當勞The BTS Meal終於登陸香港！韓粉們今日起就可以喺麥當勞食到，套餐包括BTS最鍾意嘅麥當勞經典美食9件麥樂雞、2款充滿韓式風味嘅全新麥樂雞醬、中薯條和中汽水，快啲去試下啦！

麥當勞App用戶憑電子優惠券買The BTS Meal仲可以即減$3。依家只要用麥當勞App落單，消費滿$30再用PayMe付款，更可享全單9折。公關姊妹預告，今日麥當勞App用戶可以喺App內睇到「BTS 360 Backstage花絮#1」，而且每星期更新，下星期一（7日）就會上載BTS成員嘅「型爆相簿」，到14日會有更多拍攝廣告時嘅「BTS 360 Backstage花絮#2」，6月21日將會刊登更多BTS成員嘅人像「e-閃卡」，每星期都有驚喜呀。