新港城中心運動電競挑戰站 贏購物劵

有咩好得過涼住冷氣做運動又可以贏獎品？黛安知道，馬鞍山MOSTown新港城中心由本月27日起至9月5日，會喺商場擺設「MOSTown運動電競挑戰站」，畀大家挑戰4個運動電競項目，有機會贏取商戶現金券或優惠券。

今次挑戰站特別由美國引入大熱運動電競特訓架，仲有原創嘅3個新項目，顧客可隨意挑戰初階嘅「贏在起跑綫」兼贏取商戶優惠劵，恒基商場H‧COINS會員亦可以喺「運動電競獨木舟」同「360°智能反應訓練架」一試身手。只要即日以電子貨幣單一消費滿$150，就可換領高難度嘅「運動電競籃球」挑戰券，一嘗緊張嘅比賽滋味。

公關姊妹提醒，比賽後要繼續留意個人成績，因為每周成績排名最高嘅頭3名參加者，有機會贏取最多$1,500嘅商場電子禮券㖭，黛安都打算去接受挑戰呀。