慶祝屯馬綫通車 港鐵推「迷你城市」模型套裝

為慶祝港鐵屯馬綫最快本月27日開通，黛安收到風，港鐵當日起一連4星期，將推出屯馬綫「迷你城市」模型套裝同限量版防護口罩，鐵路迷要注意喇，由即日起至本月21日期間，以優惠價$608優先預訂所有新產品。

屯馬綫全綫通車後，將成為全港最長鐵路綫，加埋有27個站。每款「迷你城市」模型套裝，包括一部設計取材自車站藝術品嘅迷你電動列車、一個Q版車站入口、屯馬綫4個車站附近3件或以上嘅特色地標同建築物模型，仲有20塊路軌底板，模型每套售$150，集齊4套仲可以合體，組合成一個小型鐵路社區。購買模型，仲可以獲得一張以屯馬綫車站藝術品做設計嘅MTR分卡，賺取2,000 MTR分。

港鐵同日另推出限量別注版3層防護口罩，設計同樣取材自4個車站藝術品。一盒8個口罩，分為5款，防護級別達ASTM Level 2，每盒售$38。