太和廣場26米「幸福藝廊」 以水彩展現大埔獨特場景

假日郊遊有新打卡熱點！黛安收到風，太和廣場近期搵咗本地新晉插畫師Carmen Ng，以「幸匯‧太和」為主題，以水彩風格創作多個打卡場景。Carmen今次運用水彩畫繪出大埔區內生活共鳴場景，例如喺26米長嘅巨型牆身「幸福藝廊」展現咗連串大埔景點；場內打造咗9個打卡牆，而IG人氣作家伊芙Evelyn Kok，亦通過文字穿插喺插畫師嘅作品，等大家尋找生活中嘅小確幸。

社交平台人氣攝影師Wilson Lee教路，用手機都可以影到專業打卡相，例如港鐵太和站出口連接廣場嘅「幻彩步道」，用手機就可拍出場景「深邃感」，配合簡單修圖技巧，更能拍出室內天空之鏡嘅效果㖭。Wilson仲分享3個咫尺打卡景點，包括林村河、香港鐵路博物館及綠匯學苑，依循路綫遊大埔都可以玩足半日。

另外，顧客即日至7月12日喺場消費滿指定金額及登記做領展會員，即可換領指定禮品㖭。