奧海城創意工作室 自製獨一無二父親節禮物

過幾日就到父親節，大家準備好禮物未？黛安收到風，位於奧海城嘅OC STEM Lab創意工作室，近期引進咗多部先進器材，包括電腦刺繡縫紉機及皮革壓印機，一於親自動手為爸爸準備一份獨一無二嘅禮物啦。

公關姊妹話，OC STEM Lab成立於2017年，旨在推動STEM教學同MAKER文化，今次父親節限定優惠將於明日（18日）展開，為期3日。商場S⁺REWARDS及Olympian Kids會員可率先享用優惠，運用器材喺布製產品繡上爸爸個名，或在皮革產品壓印名字，將產品變成專屬爸爸嘅禮物，爸爸收到一定會好開心。

公關姊妹提醒，準備繡字或文字壓印嘅產品，必須係今個月喺商場內購買，製作前須出示相關產品嘅購物發票，經工作人員評估產品是否合適後才會安排製作，並可即日取回產品。