慶祝彼思動畫35周年 香港首個Pixar Fest登陸海港城

彼思動畫過去製作過唔少感人嘅電影同短片，為大家帶嚟歡樂同深刻嘅集體回憶。黛安覺得好多影片嘅角色同故事都好難忘，當中傳遞咗歷險、友情等價值，話畀我哋知，喺人生歷險旅程中雖然有高低起跌，但身邊總有家人朋友為我哋加油！

黛安知道，彼思動畫製作室1986年於美國加州成立，以電腦動畫呈現原創故事。為咗慶祝彼思動畫35周年，海港城與迪士尼及彼思再度合作，喺今個夏天合辦香港首個Pixar Fest！海港城會精選12齣迪士尼與彼思經典電影，喺商場唔同地方設置特別場景。彼思動畫製作室最具代表性嘅Pixar Ball and Lamp，亦會首次喺海港城出現，而且同美國總部嘅Pixar Ball and Lamp一樣咁大㖭。

除咗大型裝置打卡位，海港城更會透過互動活動，由綫下到綫上、實境到虛擬，等大家可以重溫電影中嘅人物片段同精采時刻。想知道活動詳情，就要密切留意海港城嘅公布喇。