【聲明】港生活網站並無進行電話推廣活動

黛安
黛安

荷里活廣場「屯馬綫百萬狂賞」 $600萬獎賞贈沿綫居民

發佈時間: 2021/06/21

荷里活廣場「屯馬綫百萬狂賞」 $600萬獎賞贈沿綫居民

港鐵屯馬綫今個月底就全綫通車喇,黛安作為沿綫居民都好期待啊!最近收到風,知道鑽石山荷里活廣場為咗慶祝通車,6月27日起將推出「屯馬綫百萬狂賞」,大派20萬份小冊子連同「屯馬綫住戶Jetso優惠卡」,送出價值超過$600萬獎賞,大家記得去攞番份呀。

黛安聽公關姊妹講,荷里活廣場會喺6月底起,陸續向屯馬綫沿綫居民寄出超過20萬份Jetso優惠卡,住戶只要憑優惠券,就可以去商場享有雙重着數,包括免費換領「$50購物優惠券」或「$50美食優惠券」1張;登記成為荷里活廣場VIC會員,仲可以額外獲贈20 VIC積分,連同迎新優惠嘅10 VIC積分,可即場以30 VIC積分換領「位元堂即食燉湯」(價值$48)1份㗎。另外,住戶仲可以憑Jetso優惠卡,喺30間參與獎賞嘅商戶消費,全年獨享限定優惠㖭。

公關姊妹仲話,VIC會員有唔少着數,包括喺商場每消費$100即賺1分,累積滿指定積分,就可以用積分換領商戶現金券或禮品,每日仲有額外1小時免費泊車優惠,生日月份去消費仲有額外積分和推薦人獎賞。

撰文: 黛安 消息特靈八卦公關
欄名: 八卦名利場