【聲明】港生活網站並無進行電話推廣活動

黛安
黛安

維他4款新鮮茶 保留新鮮原茶味

發佈時間: 2021/06/21

維他4款新鮮茶 保留新鮮原茶味

得閒歎杯茶既可養生又可醒神,最近公關姊妹就送來幾款新產品「維他TM新鮮茶」畀黛安試飲,公關姊妹話,新鮮茶系列由香港廠房新鮮製造,經嚴選過嘅高質茶葉以冷泡技術浸泡而成,並採用特別製茶方法保留新鮮原茶味,令口感可媲美手搖茶嘅啖啖茶香,飲落鮮味有層次。

新鮮茶系列有4款口味,包括茶香濃郁而帶有檸檬鮮香嘅檸檬茶(低糖)、清香淡雅嘅金萱烏龍茶(無糖)、淡雅茉莉花茶香及蜂蜜味嘅蜂蜜綠茶(低糖),及參考日本工藝製作而成嘅日式煎茶(無糖),每款都各有特色。

姊妹話,品牌會喺今個星期六(26日)下午於The One露天廣場舉行至WOW挑戰賽,仲請咗當紅偶像193(郭嘉駿)及肥仔(梁業)出席,粉絲記得mark定時間參加活動喇!

撰文: 黛安 消息特靈八卦公關
欄名: 八卦名利場