【聲明】港生活網站並無進行電話推廣活動

黛安
黛安

北角匯《愛犬•美術館》 汪星人做畫作主角

發佈時間: 2021/06/22

北角匯《愛犬•美術館》 汪星人做畫作主角

黛安知道早前喵星人喺北角匯搞「貓美術館」美術展大獲好評,一眾汪星人都扭計想做返轉畫展嘅主角!有公關姊妹啱啱向黛安發出首個狗狗藝術特展《愛犬‧美術館》邀請函,可以參觀由美國現代藝術家蜜雪兒‧凱克(Michel Keck)繪製嘅50幅汪汪畫作,每一幅都係以原始抽象藝術結合多媒體元素創作㗎。畫作喺7月5日至8月31日,將會齊集北角匯1至3期嘅4大展區,大家千祈唔好錯過呀。

公關姊妹話,畫作主角包括史納莎、八哥、迷你澳洲牧羊犬、拉布拉多、芝娃娃等,可愛到想帶晒佢哋返屋企。此外,位於北角匯2期嘅期間限定互動藝術體驗館,係全港首個以狗狗視角出發嘅藝術體驗館,由犬隻心理學家、空間設計師等各領域專才合力設計,仲有多組立體藝術裝置畀人寵一齊「走進畫中」打卡㖭。

北角匯《愛犬•美術館》 汪星人做畫作主角

各位主人可以帶狗狗同畫中品種「相認」打卡,比拼下邊個可愛啲。

北角匯《愛犬•美術館》 汪星人做畫作主角

各位主人可以帶狗狗同畫中品種「相認」打卡,比拼下邊個可愛啲。

北角匯《愛犬•美術館》 汪星人做畫作主角

各位主人可以帶狗狗同畫中品種「相認」打卡,比拼下邊個可愛啲。

撰文: 黛安 消息特靈八卦公關
欄名: 八卦名利場