新都會廣埸15呎高梳乎蛋郵局 奉上特製印章實體打卡

平日生活咁緊張，今個暑假GUDETAMA（梳乎蛋）就會帶住佢嘅慢活精神，去到葵涌新都會廣場做地勤、導遊同郵差，帶大家踏上東瀛朝聖之旅。公關姊妹同黛安講，7月10日至8月31日，新都會廣場將舉辦「GUDETAMA夏日梳乎『郵』」主題活動，帶嚟15呎高嘅梳乎蛋郵局，並奉上特製印章畀大家喺明信片上「實體打卡」；商場露天廣場仲整咗逾2萬呎嘅鳳尾花花海，L3星光長廊更有一條長逾150呎嘅幻彩燈海，日夜打卡都咁靚。

此外，7月24日至8月15日，商場會聯乘人氣日式食店丸十、食材及家品品牌Gusteau's，同埋卡通甜點熱店山下菓子推出多款特色飲品、布甸、曲奇等，仲有雙層玻璃杯同木製杯墊等手信，千祈唔好錯過喇。