一田雪糕冰品祭直送日本便利店冰品

黛安收到風，一田即日起至8月2日舉辦「ICE or CREAM」雪糕冰品祭，全綫超市過百款雪糕甜點低至半價發售。今次一田仲專程直送日本便利店嘅冰品到港，包括一啖一粒Glico水果冰球、樂天爽冰等，幫大家一解思鄉病；仲有來自北歐、以新鮮果肉製造嘅Shapetime雪葩雪條，零脂肪低卡路里，食多啲都唔怕肥。另外，香港製造嘅手工雪糕品牌ISEEiSEE及NICE POP，依家喺一田都可以買到喇。

公關姊妹話，鍾意奶味濃郁嘅朋友，一定要試下曾獲靜岡縣藤之國新產品最高金獎受賞嘅Sun Honest雪糕；抹茶控則要鎖定一田與Milk Top全港首次發售嘅抹茶濃度雪糕套裝，試晒3款唔同濃度。場內仲有好多傳統熱門品牌都有優惠，例如$264任選12件Häagen-Dazs迷你雪糕杯；MÖVENPICK家庭裝雪糕$199/3盒等。YATA-Fans會員或憑一田信用卡／WeChat Pay HK喺一田超市買指定雪糕祭產品，可享額外95折優惠。