黛安
黛安

蘇寧窩心送「涼」 5000便攜電風扇贈長者

發佈時間: 2021/07/23

蘇寧窩心送「涼」 5000便攜電風扇贈長者

今年夏天特別熱,黛安知道香港蘇寧一直關愛社群,得知炎炎夏日長者坐喺屋企都汗流浹背,所以決定喺7至8月舉行「窩心送贈『風』涼夏日」活動,特意準備咗5,000個限量版便攜式電風扇,免費送畀65歲或以上嘅長者,等佢哋隨時隨地都可以用風扇消暑。

公關姊妹透露,今次送出嘅「蘇格拉寧」便攜式電風扇,機身印有蘇寧形象大使「蘇格拉寧」小獅子頭像,雖然係細細把風扇,但風力好強勁㗎。長者們只要喺今個星期六(24日)同下個月14日,早上10點至11點,去到6間指定分店登記取籌,就可以喺同日指定時間免費領取限量版便攜式電風扇1個喇。

另外,蘇寧最近都推出咗「蘇格拉寧」小獅子系列獨家戶外禮品,只要喺分店或網上商店買指定產品,就可換領1份禮品,包括冰巾、戶外摺凳、輕便帳幕等等,啱晒鍾意戶外活動嘅朋友。活動詳情可瀏覽蘇寧Facebook。

撰文: 黛安 消息特靈八卦公關
欄名: 八卦名利場