海天晉滙寵物大晒 周末兩活動齊放電

將軍澳最近好多新商場開幕，黛安去過新開嘅Ocean PopWalk海天晉滙，完全係一個寵物友善商場，除咗有寵物手推車、汪汪廁所、寵物停泊處等，仲有一站式單車停泊站，提供自助維修和單車清洗服務，方便大家帶埋愛犬一起玩。

公關姊妹話，8月7日同8日嘅星期六、日，海天晉滙會舉辦寵物主題活動《Summer Fun寵愛你夏日遊樂園》和《寵愛毛孩市集》，誠邀一眾毛孩家庭參與，除咗有唔同打卡裝置，更特設冰涼水池區，等毛孩可降溫。

另外，喺商場消費滿指定金額，即可享用由狗餅物語創辦人Yanki為主子設計嘅甜夏健康餐單，包括法式雪梨鴨肉濃湯、南瓜環蛋糕、章魚小丸子和生果拼盤，2位主人仲可同愛寵喺戶外用餐區一齊high tea，好寫意啊！