ELEMENTS圓方中秋多重購物禮遇 消費$2000送$2000

就快到中秋佳節，黛安正籌謀如何同親友共度。聽公關姊妹講，ELEMENTS圓方將會有中秋「多重購物禮遇」，由即日起至今個月26日，顧客於場內消費滿指定金額即可享回贈，有高達$30,000嘅圓方及商戶電子禮券，可適用於場內逾百間商戶，包括多個國際品牌同環球食肆。

即日起以電子貨幣單一消費滿港幣$2,000，即可享等同價值嘅獎賞，包括總值$1,000指定消費餐飲電子禮券，及總值$1,000指定消費商戶電子禮券，回贈百分百；消費滿$6,000，亦可享50%基本回贈，即有總值$3,000獎賞；消費滿$60,000，更可享總值$30,000獎賞。

圓方多間食肆亦推中秋優惠，好似本月20日同21日到Dim Sum Library晚市堂食，每2位顧客即可獲贈限定「芒果奶黃月餅」乙件；到Pivo Czech Bar堂食惠顧任何飲品，用優惠價$188即可享用生蠔6隻；另多個國際頂級品牌亦推出星級禮盒。