黛安
黛安

東薈城名店倉CLUB CG周年慶 會員1萬積分可體驗Flycation

發佈時間: 2021/09/08

東薈城名店倉CLUB CG周年慶 會員1萬積分可體驗Flycation

疫情下大家都好耐無出遠門,黛安都好想去旅行,而家有機會喇,東涌東薈城名店倉為咗慶祝CLUB CG一周年,即日起至下個月3日,將舉辦「一周年Chill慶典」主題活動,除咗有豐富食買玩禮遇,仲破天荒同HK Express合作推出Flycation獎賞,CG CLUB會員只要儲夠1萬積分,就有機會喺下個月16日體驗90分鐘飛行旅程,可以欣賞香港上空及大嶼山周邊嘅迷人景致,等大家回憶下旅行嘅好時光!

公關姊妹話,每位CG CLUB會員最多可以換4張機票,咁就可以約埋親友一齊飛,旅遊達人Jerry. C更會帶團,同大家分享旅遊經驗同飛行趣事,佢仲會同大家玩遊戲兼送商場商戶現金券,機會難逢啊。

就算唔係會員,亦可以憑$2,000或以上合資格消費即場登記做會員,用指定積分參加呢個「賞住‧賞飛」出走之旅。

此外,商場亦打造咗少女系「甜點車」主題裝置畀大家打卡,順便參與3款數碼互動小遊戲,有機會贏取豐富獎品,又可免費製作出獨特嘅相片磁石貼,節目咁豐富,大家唔好錯過喇。

撰文: 黛安 消息特靈八卦公關
欄名: 八卦名利場