【聲明】港生活網站並無進行電話推廣活動

黛安
黛安

信和商場「賞明月‧迎中秋」 會員憑點數或勳章可換月餅

發佈時間: 2021/09/09

信和商場「賞明月‧迎中秋」 會員憑點數或勳章可換月餅

大家買齊月餅送禮未?黛安收到風,信和集團旗下5大商場:屯門市廣場、奧海城、荃新天地、中港城及黃金海岸商場,正推出「賞明月‧迎中秋」換領活動。即日起,S⁺REWARDS會員可憑指定點數或勳章,換領A-1 Bakery、美心、東海堂、皇玥、奇華、聖安娜等多個品牌嘅月餅禮盒套裝,以及其他精選應節食品,同親友歡度佳節。

食完月餅仲可以為環保出一分力,因為信和旗下商場今年繼續同奇華餅家合作,推動「中秋月餅罐回收活動」。由今個月20日至10月3日,只要將清潔好嘅任何品牌金屬月餅盒,交到9個指定商場嘅禮賓處或服務台,即可換領奇華餅家嘅優惠券(價值$20),S⁺REWARDS會員更可獲得雙倍優惠券,每人每次最多可換領5張,S⁺REWARDS會員每人每次最多可換10張,數量有限,送完即止。

所有回收嘅月餅盒將全數捐贈畀基督教勵行會作慈善用途,既環保又可做善事,一舉兩得,請多多支持!

信和商場「賞明月‧迎中秋」 會員憑點數或勳章可換月餅

皇玥流心奶黃月餅

撰文: 黛安 消息特靈八卦公關
欄名: 八卦名利場