洛奇打不死精神練就醫者心 陳家亮︰醫生不僅醫病還醫人

由屋邨仔到中大學霸，中大醫院學院院長陳家亮嘅一顆醫者心，原來全靠荷李活經典名片《洛奇》（Rocky）練就。黛安最近睇咗馬會刊物《駿步人生》嘅專訪，陳院長笑言《洛奇》1976年上映時，佢「啱啱升中學」，沒想到遭片中一句「重擊」，「生活不在於你出拳可以有多重，而在於你在承受幾多重拳後仍能撑下去」，成為此後45年嘅座右銘。

陳院長喺牛頭角屋邨長大，憑「兩袋空空，不怕輸」，無論被現實怎樣「打低」，一樣如洛奇般重新站起。他考入中大後，更因常挑燈夜讀，成為同輩傳頌嘅「崇基燈塔」，終以一級榮譽畢業。

行醫30多年，他未忘「醫生不是要無意義地延長病人壽命，而是要幫助人活得更有意義」宗旨。佢仲話，現今大眾知識水平高，對醫生要求亦高，易造成醫患衝突，但佢寄語新晉醫生，醫生不僅醫病，而是醫人，係AI無可取代之處。