支付寶一App通行粵港澳 當地貨幣結算兼享萬寧優惠

近年多咗人轉用電子錢包，黛安聽公關姊妹講，萬寧、AlipayHK、支付寶及支付寶（澳門）早前達成合作，日後身在粵港澳大灣區三地嘅用戶，只要一App在手，購物時便可用所屬地方嘅貨幣結算，同時享有萬寧折扣優惠，非常方便！

姊妹話，萬寧更率先同AlipayHK攜手推出高達$400獎賞，包括萬寧獨家引進嘅韓國美粧品牌Olive Young折扣優惠。萬寧北亞區營銷總監鄭虹分享，好開心可以同3個電子支付工具合作，令大灣區7,000萬用戶喺400多間分店及網上商店，都能享受到萬寧嘅優惠禮遇。支付寶港澳台地區總經理李詠詩亦話，今次係一個新嘗試，有助三地支付工具更好布局大灣區整體服務，提升用戶體驗。