McCafé「魔薯」特飲 香濃又煙韌

McCafé又有新出品！全新推出嘅凍飲「Mochi魔薯」同熱飲「魔薯Latte」即日起登場。呢款凍飲「Mochi魔薯」，以濃郁嘅台灣紫薯搭配鮮牛乳、煙韌麻糬同鮮忌廉製成；熱飲「魔薯Latte」都係以鮮牛乳炮製，加埋香濃台灣紫薯及別致拉花圖案，同樣吸引。麥當勞App用戶今日起憑優惠券去買，仲可以減$3㖭。

另外，McCafé明日（18日）仲會推出「椰汁芒果軟心兔兔」，玉兔外層嘅幼滑忌廉芝士椰汁慕絲，包住香濃嘅芒果醬，底層配埋鬆軟嘅海綿蛋糕，真係令人難以抵抗。麥當勞App用戶喺18日起憑全新電子優惠券，以$88就可以買到兔兔禮盒裝（4件）喇；或者憑「$33歎指定中杯裝熱咖啡配椰汁芒果軟心兔兔」享用美味Combo！