北角Art Like半天遊 潮玩多處創意藝術裝置

已經到咗秋天，黛安想去郊遊但又怕人多，公關姊妹話，近年唔少本地小區都發展出在地旅遊嘅好去處，好似近日北角區內就築起多款嶄新藝術裝置，構成獨一無二嘅景點，當中有唔少地方仲歡迎帶埋寵物同行，大家不妨去北角開展一趟Art Like之旅！

姊妹話，「Art Like北角半天遊」推介行程包括潮玩海濱《路過藝術節》，發掘20組公共藝術裝置嘅無限創意；午後可轉戰北角匯《愛犬‧美術館》，同汪星主子欣賞出自美國當代藝術家Michel Keck手筆嘅萌爆狗狗畫作；壓軸一站，可考慮去文青ig打卡熱點嘅春秧街電車站。只要大半日就可以來一趟小旅行，聽落都好吸引，大家可以規劃下行程啊。