Shell × TINY 推9款限量模型車

黛安知道唔少人都鍾意儲模型車，之前曾與本地特色玩具品牌TINY合作嘅Shell，最近推出全新嘅「Shell x TINY微影模型車系列」，共有9款唔同主題嘅限量合金車仔，即日起可以換購喇。

公關姊妹話，即日起去任何Shell Select便利店單一消費滿$100，即可以$79起換購6款限量合金車仔其中一款，當中包括九巴經典前置引擎雙層巴士、豐田金豐的士同綿羊仔側車等；下月起Shell會員入油滿$450，更可憑$99起換購3款限定名廠合金車㖭！另外，下月13日起惠顧Helix Power或Helix Protect機油換油服務，更可免費獲贈一套Ps8 Shell換油中心模型套裝。每款車仔像真度都好高，愛車之人千祈唔好錯過。