糖廠街市集 免費派Impossible™植物豬肉便當

Impossible Foods早前宣布為餐飲市場推出Impossible植物豬肉，公關姊妹報料，即日起多間餐廳都可食到植物豬肉菜式，太古坊糖廠街市集即日起至星期五（8日），仲會每日免費派100份植物豬肉便當盒㖭！

公關姊妹話，便當盒會以試食分量畀大家一盒試齊三道美食，而且日日有唔同主題，好似今日派「傳統中菜」就有好燒味嘅Impossible™叉燒飯、王家沙花樣年華嘅紅燒獅子頭烤菜、走肉蔬食研究所嘅秘製化皮乳豬伴荷葉夾，嚟緊幾日仲有更多合作餐廳，提供唔同東南亞、日台及新派菜式！

同時由即日起，全港超過40個餐飲品牌合共120多間餐廳，將推出多款植物豬肉創意料理，包括Ruby Tuesday嘅Impossible™香濃豬肉丸意大利幼麵、川川嘅Impossible™素漁香茄子，及囍公館嘅Impossible™黑松露豬肉蓮藕餅，大家快啲去試下啦！