【聲明】港生活網站並無進行電話推廣活動

黛安
黛安

韓國十月文化節 電競美食舞蹈陶瓷 4大重頭節目

發佈時間: 2021/10/07

韓國十月文化節 電競美食舞蹈陶瓷 4大重頭節目

黛安都係K-pop迷,但疫情期間無得「返鄉下」真係唔開心。黛安知道,第11屆「韓國十月文化節」已展開,今年嘅主題係「韓結」(K-CONNECTED),近30個精采文化藝術節目會喺10至11月陸續舉行,包括表演、電競同韓食等等,即使大家暫時去唔到韓國旅行,都可以從多角度了解當地藝術文化。

今屆文化節有4大重頭節目首次喺香港舉行,包括「韓國電競節︰絕地求生錦標賽2021」,召集全港「吃雞」高手爭奪豐厚獎金;「韓國美食文化祭2021」,以市集模式運作,可體驗韓國飲食、生活用品同文化,現場更設綫上韓國導覽團,等大家隔空遊韓;「韓國K-pop舞蹈節」就為熱愛K-pop嘅年輕香港舞者提供展現才華嘅舞台;而「韓國陶瓷展區」會展售10位韓國工藝家嘅作品,包括陶瓷藝術家崔明值及金鉉鍾等。文化節仲有好多精采節目,如「HKGNA音樂節2021」、「創意韓食大賽」同「韓國電影日」等,想知多啲詳情可【按此】參考官網。

韓國十月文化節 電競美食舞蹈陶瓷 4大重頭節目

「韓國K-pop舞蹈節」為熱愛K-pop的舞者提供舞台。

韓國十月文化節 電競美食舞蹈陶瓷 4大重頭節目

「韓國電競節︰絕地求生錦標賽2021」召集全港吃雞高手參加。

撰文: 黛安 消息特靈八卦公關
欄名: 八卦名利場