機械人清洗會展中心地台 慳水80%

科技發展日新月異，黛安聽公關姊妹講，會展管理公司最新引入咗備有4級過濾系統嘅智能清潔機械人Harry同Hana，由佢哋負責清洗會展中心嘅地台，每次可節省高達80%用水量！姊妹話，呢2位新同事工作效率極高，每小時可清洗超過3,000平方米地方，每個月可為會展中心慳6,000公升用水，而家每日會喺展覽廳大堂和博覽道入口執行任務，大家下次見到佢哋都可以打個招呼㗎。

另外，會展管理公司近日仲獲環保促進會頒發「聯合國可持續發展目標香港成就獎」大獎，表揚公司對聯合國可持續發展目標作出嘅貢獻，認真可喜可賀。