黛安
黛安

太興「金箔叉燒」登場 Eric Kwok拍廣告秀演技

發佈時間: 2021/10/11

太興「金箔叉燒」登場 Eric Kwok拍廣告秀演技

黛安一直都鍾意食太興嘅燒味,公關姊妹話,最近太興又有新搞作,推出全新期間限定嘅升級版「金箔叉燒」,即日起至10月31日仲有2項新優惠,大家快啲去試下啦!

太興每日都喺分店現場燒製出燶邊腍身、入味嘅靚叉燒。姊妹話,推廣期內喺太興晚市消費滿$150,即可以半價($34)享用例牌叉燒,仲可免費升級做金箔叉燒;另外,逢星期一、三喺太興食叉燒飯,更可以免費升級做金箔叉燒飯㖭。

姊妹話,為咗推廣今次嘅新產品,佢哋仲請來太興品牌代言人Eric Kwok拍攝全新電視廣告及網絡宣傳片。Eric喺拍攝途中,唔單止同片中男助手一角上演一場極具戲劇性嘅對手戲,仲要表現出貼心舉動,展現出對後輩嘅「愛」,完全係挑戰演技。

問到Eric喺日常工作中有無試過向助手發火,佢就好謙虛咁話,自己唔係「大支嘢」,「其實大家都係工作,自己平時又經常做幕後工作,都會體諒助手同後輩們,仲對佢哋愛護有加㖭。」

拍完廣告後,Eric仲話,希望屋企人而家無後悔當年生咗自己呢嚿「叉燒」出嚟,認真幽默啊。

撰文: 黛安 消息特靈八卦公關
欄名: 八卦名利場