歎麥當勞新地蘋果脆 送Edan肖像心「E」卡

麥當勞App周年慶，繼早前同MIRROR三子聯乘，掀起換購籃神卡熱潮後，黛安收到風，即日起至10月22日，麥當勞再同Edan Lui（呂爵安）合作，推出全新一套兩款印有Edan至Sweet肖像嘅心「E」卡，粉絲必搶啦！

公關姊妹話，麥當勞App用戶可憑「雙重窩心」$32歎兩杯新地蘋果脆，兼送你2款心「E」卡，數量有限，先到先得㗎。想知邊度仲有得賣，可以喺麥當勞fb專頁內查看存貨。

麥當勞App用戶今個星期亦有唔少優惠，包括憑「$16歎新地蘋果脆（1杯）」優惠券，食到蘋果批配呍呢嗱新地等。另外，即日起麥當勞都會推出全新番茄濃湯扭扭粉系列早晨套餐，包括「火腿扒蛋扭扭粉」、「板燒雞腿扭扭粉」和「豬柳蛋扭扭粉」，3款早餐任你揀，麥當勞App用戶仲有「指定早晨套餐減$3」電子優惠券㖭。

姊妹仲透露，下星期一（18日）至12月10日，一連8個星期麥當勞會再度同威露士合作，送出唔同個人護理和洗衣產品，只要買指定超值早晨套餐1份，就可以獲得指定禮品喇，十分超值啊。