【聲明】港生活網站並無進行電話推廣活動

黛安
黛安

公仔點心3款新產品 全新味覺體驗

發佈時間: 2021/10/12

公仔點心3款新產品 全新味覺體驗

燒賣、珍珠雞同豬肉餃都係黛安平時鍾意食嘅點心,公關姊妹同黛安講,公仔點心最近推出3款「變奏版」新產品,包括「口水雞味魚肉燒賣」、「麻辣珍珠雞」同「芫茜豬肉餃」,為大家帶嚟新味覺體驗。

其中「口水雞味魚肉燒賣」將秘製口水雞味醬包淋落嫩滑嚼勁剛好嘅魚肉燒賣,四川口水雞風味即時四溢,仲有陣陣蒜香;「麻辣珍珠雞」則將秘製麻辣配料連埋香軟糯米飯同豐富餡料一齊烹調,食落鮮辣麻香,啱晒嗜辣一族;至於「芫茜豬肉餃」就將大量芫茜同馬蹄撈入豬肉餃,夠晒特別。新產品即日起喺各大超市有售,「芫茜豬肉餃」就喺惠康超市獨家有售。

撰文: 黛安 消息特靈八卦公關
欄名: 八卦名利場