黃埔天地周末「咖啡‧生活墟」 16特色咖啡品牌進駐

一杯咖啡可以話係品味生活嘅第一步，黛安見到愈來愈多地方舉辦咖啡市集，「啡友」不但可以聚首交流，仲可以同咖啡達人學到更多沖泡技巧，提升品味咖啡嘅層次。紅磡黃埔天地喺10月尾一連2個周末舉辦「咖啡‧生活墟」，有16個特色品牌進駐，售賣各種咖啡豆、掛耳咖啡包、沖製咖啡工具等，仲會舉辦2個工作坊，大家有機會跟專業咖啡師學下打奶泡、3D立體公仔拉花入門技巧；同時學埋將咖啡渣升級再造，成為多用途肥皂，用盡每一杯咖啡嘅精華。

公關姊妹話，只要喺黃埔天地內任何商戶消費滿$400，憑即日單一電子貨幣消費單據，就可以報名參加工作坊1次。另外，商場喺本月30日亦會舉辦「咖啡拉花」同「手沖咖啡」比賽，唔止職業咖啡師可同場較勁，業餘愛好者都可以參加一展身手，勝出者有機會贏到$2,500商戶現金券同精美咖啡用品㗎！想報名參加可【按此】登入。