Audrey Ng
Audrey Ng

兒子被同學討厭,怎辦?

發佈時間: 2021/10/20

兒子被同學討厭,怎辦?

「媽咪,今日喺學校,Anna係咁話唔鍾意我!」

每晚睡前都跟兒子在枕頭聊天,因為已習慣這個模式,他會主動跟我分享幼稚園的事。是日話題是他的鄰座Anna。

「點解佢話唔鍾意你?」我問。

「我都唔知呀!我明明無整到佢,但係佢一見到我就話唔鍾意我!話唔鍾意同男仔玩!」他說時一臉激動,又投拆Anna對男孩很粗魯。

「你聽到覺得點?」

「好唔開心,Carson、Darren都唔鍾意佢,佢咁衰,我以後都唔同佢玩!」

明明沒做錯,只因男孩子的身份而被討厭,令兒子感覺受傷。

兒子說老師也知悉事件,並對Anna作出提醒。我作為家長可以做甚麼?向老師重申Anna傷害了兒子?要求調位?認同兒子要保護自己、疏遠Anna?

我選擇了另一種做法,跟兒子分析Anna說討厭男生的理由。

「Adrain,Anna講咗啲傷害你嘅說話,佢係做得唔好,但佢未必真係討厭你,可能佢只係唔識同男仔相處。」

「但佢都唔應該咁講!」

「你諗下,你有表妹,所以唔驚同女仔玩,但Anna可能無兄弟或表哥表弟,唔識點同男仔相處呢?」

我跟兒子說,每個小朋友都想做好孩子,Anna也一樣,她只是需要學習,需要人提醒她、教她,叫他相信Anna會改變;同時,也請他回校跟Anna反映自己的感受。

之後,我間中會聽到Anna的事及老師的處理。有一天,兒子跟我說︰「媽咪,今日Anna同我講對唔住,佢變返乖啦!我哋仲一齊玩。」兒子滿足地說。

我很高興他見到這天,也希望他相信人性本善,人會轉變。

(本欄逢周三刊登)

撰文: Audrey Ng 80後P牌媽咪,由懷孕280天起分享陀B湊仔歷程
欄名: B經之路